دوو کوردستانیی دیکه‌ش راپێچی گرتووخانه‌ ده‌کرێن

 
2010.08.24 - 18:53

رێنێسانس نیوز

 

له‌ درێژه‌ی راونان و به‌ندکردنی هاووڵاتیانی کورددا له‌ لایه‌ن هێزه‌ هه‌واڵگری و چه‌کدارییه‌کانی کۆماری ئیسلامییه‌وه‌، دوو هاووڵاتیی دیکه‌ش راپێچی گرتووخانه‌ کراون که‌ له‌ چالاکانی خوێندکاریی رۆژهه‌ڵاتی کوردستانن.

 

به‌ گوێره‌ی هه‌واڵی ناوه‌نده‌کانی مافی مرۆڤ، "دلێر روزگرد" خوێندکاری پێشووی زانکۆی ته‌ورزێز و خه‌ڵکی شاری سه‌قز، هه‌روه‌ها غه‌یاس نادرزاده‌ خوێندکاری هه‌مان زانکۆ و خه‌ڵکی شاری پاوه‌، که‌ زیاتر له‌ 20 رۆژه‌ بێسه‌روشوێنن، له‌ لایه‌ن هێزه‌ هه‌واڵگرییه‌کانی ده‌وڵه‌ته‌وه‌ قۆڵبه‌ست کراون.

 

ناوبراوان له‌ دامه‌زرێنه‌رانی "کانوونی زاگرۆس"ی زانکۆی ته‌ورێزن و تا ئێستا هیچ زانیارییه‌ک له‌مه‌ڕ هۆکار و شوێنی گیرانیان هیچ زانیارییه‌ک نه‌دراوه‌ به‌ بنه‌ماڵه‌کانیان.

 

 


Copyright © 2017 Renaissance. All rights reserved.