RSS Feed

      

شه‌ممه، ۱۶‌ی دیسامبری ۲۰۱۷

Renaissance News Index

 

هیچ کۆمه‌ڵگه‌یه‌ک له‌سه‌ر بنه‌مای نکۆڵیکردن له‌ ئازادیی تاک بنیات نانرێ
« مه‌هاتما گاندی »
 

  هه‌واڵ »» سیاسی           ئه‌م لینکه [3134] جار بینراوه       Send this page to your friens    Print this page    Send comment to this page

 

شه‌ڕی 24 رۆژه‌ی سنه‌ و رۆڵی داریووش چاپاری له‌ بیره‌وه‌رییه‌کانی فه‌رمانده‌یه‌کی سپا

 

رێنێسانس نیوز

2010.08.26 - 01:34

 

ماڵپه‌ڕی ئینتێرنێتی "هه‌مشه‌هری ئۆنلاین" له‌ مانشێتێکدا له‌ ژێر ناوی" نه‌وتراوه‌کانی ئۆپه‌راسیۆنی ئازاد کردنی سنه‌" بیره‌وه‌رییه‌کانی فه‌رمانده‌یه‌کی سپای پاسداران به‌ ناوی "سه‌ید عه‌لی ئه‌کبه‌ری موسته‌فه‌وی" که‌ ده‌ورێکی به‌رچاوی له‌ شه‌ڕی کۆماری ئیسلامی له‌ سه‌ره‌تاکانی ئینقلاب له‌ کوردستان و به‌ تایبه‌تی شه‌ڕی 24 رۆژه‌ی شاری سنه‌ هه‌بووه بڵاو کرده‌وه‌.

موسته‌فه‌وی دوای باسکردن له‌ سه‌ر چۆنیه‌تی هه‌ڵگیرسانی شه‌ڕ له‌ ساڵانی دوای شۆڕشی ئێران له‌ کوردستاندا ئاماژه‌ به‌ رۆڵی دوو به‌کرێگیراوی کورد به‌ ناوه‌کانی"داریووش چاپاری" و ره‌حیم ئه‌حمه‌دی" ده‌کات.

ناوبراو له‌ بیره‌وه‌رییه‌کانیدا ده‌ڵێ، دوای مۆڵگرتنمان له‌ یه‌کێک له‌ به‌رزاییه‌کانی شاری سنه‌ به‌ ناو "دیدگا" و چه‌ن شوێنی جیاوازدا وه‌کوو، بنکه‌ی رادیۆ و ته‌له‌ڤیزیۆن و له‌ سه‌ر ته‌پۆڵکه‌یه‌کی شار له‌ ته‌نیشت مۆڵگه‌کامانه‌وه‌ وله‌ سه‌ر ته‌پۆڵکه‌ی مه‌خزه‌نی ئاو، که‌ ته‌نیا شوێنی ژێر ده‌سه‌ڵاتی ئێمه‌ بوو چه‌ک و چۆڵه‌ قورسه‌کانمان هه‌ستانده‌ سه‌ر پێ.

ناوبراو له‌ درێژه‌دا ده‌ڵێ، دوابه‌دوای ئه‌وه‌ی که‌ له‌ لایه‌ن هێزه‌کانی کوردی وه‌فادار به‌ ئینقلابه‌وه‌ به‌ تایبه‌تی داریووش چاپاری و ره‌حیم ئه‌حمه‌دییه‌وه‌ وردترین زانیارییه‌کانمان به‌ ده‌س هێنا، توانیمان به‌ پشتبه‌ستن به‌و زانیارییانه‌ ئاگری شه‌ڕ بکه‌ینه‌وه‌ و بپرژینه‌ سه‌ر بنکه‌کانی دوژمن و که‌متر له‌ ماوه‌ی حه‌فته‌یه‌ک مه‌یدانی به‌ربه‌ره‌کانییان پێ هه‌ڵپێچینه‌وه‌ و توانای به‌رخۆدانیان لێ بستێنینه‌وه‌.

داریووش چاپاری به‌رپرسی عه‌مه‌لیاتیی هێزه‌کانی به‌کرێگیراوی رێژیم له‌ ساڵه‌کانی 1357 تا 1361 بووه‌ که‌ له‌ پاییزی ساڵی 1384 له‌ لایه‌ن که‌سێکی نه‌ناسراوه‌وه‌ ته‌قه‌ی لێکرا و کوژرا. ره‌حیم ئه‌حمه‌دییش به‌رپرسی به‌کرێگیراوانی کۆماری ئیسلامی بووه‌ له‌ شه‌ڕی 24 رۆژه‌ی سنه‌.

بیره‌وه‌رییه‌کانی موسته‌فه‌وی له‌و لینکه‌ی خواره‌وه‌دا هاتووه‌.

http://www.hamshahri.org/news-114182.aspx

 

 

 

گه‌ڕانه‌وه بۆ لاپه‌ڕه‌ی یه‌که‌م          ئه‌م لینکه [3134] جار بینراوه            Send this page to your friens    Print this page    Send comment to this page

 
 
 

 

 

مانشێت

 
 

 

 
 

 

 
 

 

 

 

هه‌واڵ

 
 

 

 
 

 

 
 

 

 

 

ڕاپۆرت‌و ئانالیز

 
 

 

 
 

 

 
 

 

 

 

مقالات فارسی

 
 

 

 
 

 

 
 

 

 

 

اخبار فارسی

 
 

 

 
 

 

 
 

 

 

 
 
 

Copyright © 2017 Renaissance. All rights reserved.