RSS Feed

      

سێ‌شه‌ممه، ۲۲‌ی ئاگوستی ۲۰۱۷

Renaissance News Index

 

هیچ کۆمه‌ڵگه‌یه‌ک له‌سه‌ر بنه‌مای نکۆڵیکردن له‌ ئازادیی تاک بنیات نانرێ
« مه‌هاتما گاندی »
 

  ڕوانگه‌و بیروڕا »» سیاسی           ئه‌م لینکه [1820] جار بینراوه       Send this page to your friens    Print this page    Send comment to this page

 

رۆژهه‌ڵاتی کوردستان و لایه‌نه‌ سیاسییه‌کان

 
 

شۆڕش گوڵکار

2010.08.20 - 21:02

 

onij_1364@yahoo.com
ئه‌و په‌ڕانپه‌ڕ و چوارچێوه‌ کولتوورییه‌ی که‌ لێی له‌ دایه‌ک ده‌بین و تێیدا گه‌شه‌ ده‌که‌ین، کاریگه‌ریی راسته‌وخۆی هه‌یه‌ له‌ سه‌ر هه‌ڵسه‌که‌وتی ئێمه‌، بۆیه‌ هه‌ر تاکێکی ئه‌و کۆمه‌ڵگه‌یه‌ به‌ سه‌رنج و وردبینییه‌وه‌ ده‌روانێته‌ هێز و پوتانسییه‌لی سیاسی وکۆمه‌ڵایه‌تی نیشتمانه‌که‌ی و هه‌ڵیانده‌سه‌نگێنێ، چونکه‌ ده‌زانێ چاره‌نووسی ئه‌میش به‌ستراوه‌ته‌وه‌ به‌ هه‌ڵسووکه‌وتی ئه‌وان.  

تاک، نیشتمان و کۆمه‌ڵگه‌ و هێز و لایه‌نه‌ سیاسییه‌کان سێ ره‌هه‌ندن که‌ له‌ په‌یوه‌ندی به‌رده‌وامدان و ته‌واوکه‌ری یه‌کترن و گه‌شه‌ی ئه‌م سێ ته‌وه‌ره‌ کۆمه‌ڵگه‌یه‌کی ئازاد و مافپه‌روه‌ر و مرۆڤته‌وه‌ر پێکده‌هێنێ ،به‌م پێیه‌ پرسیارێ دێته‌ ئاراوه‌ که‌ ئه‌ویش ئه‌وه‌یه‌ ئه‌ی بۆ هیچی بۆ ناکه‌ن ؟

 

ئایا خه‌ڵک، گیان خۆشه‌ویست و ترسه‌نۆکن یان ده‌وڵه‌مه‌ندنوو ئاسایش و دڵنیایان هه‌یه‌ و نایانه‌وێ له‌ ده‌ستی بده‌ن یان به‌ واتایه‌کی دیکه‌ قازانج و به‌رژه‌وه‌ندی تاکه‌که‌سی خۆیانیان خۆش ده‌وێ. به‌ڵام که‌ چی وانییه‌ چونکه‌ کاتێک سه‌یری رابردووی ئه‌م نه‌ته‌وه‌یه‌ ده‌که‌ین ده‌بینین که‌ به‌ ده‌یان جار تامی تاڵی ئاواره‌یی و ماڵویرانیان چه‌شتووه‌ و هه‌زاران رۆڵه‌ی گیان له‌ سه‌ر ده‌ست و به‌ ئه‌مه‌گیشیان له‌ به‌رگری ره‌وادا پێشکه‌ش به‌ باره‌گای ئازادی کردووه‌، که‌وابوو دێینه‌ سه‌ر ئه‌و قه‌ناعه‌ته‌ که‌ هه‌وڵسوکه‌وتی نابه‌جێ و هه‌ڵه‌ و شکسته‌ یه‌ک له‌ دوای یه‌که‌کانی هێز و لایه‌نه‌ سیاسییه‌کانه‌ که‌ ئه‌مانیشی تووشی بێ هیوایی و بێ ده‌ره‌تانی و بێ ئه‌نگیزه‌یی کردوووه‌ یان به‌ شێوه‌یه‌کی سیاسیوو واقعبینانه‌تر ده‌بێ بڵێین که‌ ئه‌م کرده‌وه‌ بێ پلان وسه‌لێقه‌یی و بێ ده‌سکه‌وتوو و بێ ئاکامه‌ی هێزه‌ سیاسییه‌کانه‌ که‌ له‌م سه‌رده‌مه‌دا خه‌ڵکی به‌ره‌و پاسیڤ بوون بردووه‌ و راسته‌وخۆ کاریگه‌ریی نه‌رێنی له‌ سه‌ر رۆح و ده‌روونی ئه‌و خه‌ڵکه‌ بووه‌ و تووشی قه‌یرانێکیانی کردووه‌ به‌ ناوی بێخه‌یاڵ بوون له‌ چاره‌نووس و داهاتووی خۆیان.

 

هه‌روه‌ها جگه‌ له‌مانه‌ ئه‌م هێز و لایه‌نه‌ سیاسییانه‌ی کۆمه‌ڵگه‌ی ئێمه‌ له‌ باتی ئه‌وه‌ی ژێرخانی عه‌قڵییه‌تی سیاسییان هه‌نووکه‌ بیرکردنه‌وه‌یه‌کی ره‌خنه‌گرانه‌ و به‌ خۆداچوونه‌وه‌ بێ، که‌ ئه‌مه‌ یه‌کێکه‌ له‌ بنه‌ماکانی دیموکراسی و به‌ره‌وپێشچوون و گه‌یه‌شتن به‌ سه‌رکه‌وتن،که‌چی مه‌خابن ژێرخانی عه‌قڵییه‌تی ئه‌وان به‌ پێچه‌وانه‌ی ئه‌مه‌یه‌ و ته‌نانه‌ت به‌ شێوه‌یه‌کی دوگم و یه‌ک لایه‌نانه‌ و پاوانخۆازانه‌ ئه‌و ته‌وه‌ر و مژاره‌ سیاسی و کۆمه‌ڵایه‌تییه‌ی که‌ روبه‌ڕووی گه‌لی ئێمه‌ ده‌بێته‌وه‌ راڤه‌ی ده‌که‌ن و هه‌ر به‌م مێتوده‌ش له‌ گه‌ڵ لایه‌نه‌کانی دیکه‌ هه‌ڵسوکه‌وت ده‌که‌ن که‌ ئه‌مه‌ له‌ درێژخایه‌ندا پێگه‌ی کۆمه‌ڵگه‌ به‌ره‌و ره‌مه‌کی بوون و ده‌مارگرژی ده‌بات و کوردستان ده‌کاته‌ گۆڕه‌پانی ململانی ئه‌و تاک و لایه‌نه‌ قازانج خۆازانه‌ی که‌ هه‌ست به‌ به‌رپرسیارێتی ناکه‌ن و هه‌موو هێز و توانایی خۆیشیان وه‌گه‌ڕ ده‌خه‌ن تا به‌ فرت و فێڵ و چه‌واشه‌کاری به‌رژه‌وه‌ندیه‌ تاکه‌که‌سییه‌کانی خۆشیان ده‌سته‌به‌ر بکه‌ن .ئه‌گه‌ریش چه‌ند ده‌یه‌ جاریک هه‌لێک بۆ کورد بڕه‌خسێ ئه‌مانه‌ ئه‌و هه‌له‌ مێژوویی‌یانه‌ش فیدای قازانج و به‌رژه‌وه‌ندی تاکه‌که‌سی خۆیان ده‌که‌ن و به‌ فیرۆی ده‌ده‌ن.

 

بۆیه‌ ئێستا بۆ به‌رگریکردن له‌ هاتنه‌ ئارای ئه‌م دۆخه‌ پێویسته‌ که‌ هێز و لایه‌نه‌ ساسییه‌کانی کۆمه‌ڵگه‌ کارێکی مێژوویی بکه‌ن و ریفورمێک له‌ خۆیاندا پێکبێنن تا ئیتر نه‌رۆنه‌ نێو "نادیاری و ئوتوپیایی" و له‌ دۆخی هه‌نه‌ووکه‌دا نه‌مێیننه‌وه‌ و ته‌نانه‌ت به‌ دۆخی دڵخوازیشی دابنه‌یین و له‌ باتی نووسین و هێنانه‌ گۆڕیی بیروکه‌ی سیاسی و تێز و رێکاری خۆماڵی، ببنه‌ گێڕه‌وه‌ و جێبه‌جێکه‌ری تێوری بیانییه‌کان ، بۆیه‌ و له‌ قۆناخی هه‌نووکه‌دا ریفۆرم له‌ بیرکردنه‌وه‌ پێکهاته‌ و هه‌ڵسووکه‌وتی هێز و لایه‌نه‌ ساسییه‌کانی کوردستان پێویستییه‌کی مێژوویه‌ که‌ پێویسته‌ بکرێ چۆن ئه‌گه‌ر وانه‌بێ که‌ڵێن و قۆژبنه‌کان یان باشتر بڵێین برینه‌ سارێژ نه‌کراوه‌کانی نێو کۆمه‌ڵگه‌ که‌ بریتین له‌ جیاوازی ئایینی، تاقمچیتی، عه‌شیره‌تچێتی، زاراوه‌چێتی و ئیدولوژیچێتی سه‌رهه‌ڵده‌داته‌وه‌ و ئاکامه‌که‌شی ده‌بێته‌ زاڵبوونی پاشاگه‌ردانی به‌ سه‌ر کۆمه‌ڵگه‌ و له‌ کۆتاییشدا دووکه‌ڵی ئه‌م نابه‌رپرسیاره‌تیانه‌ ده‌چیته‌ چاوی خه‌ڵکی کورد و دیسانه‌وه‌ ده‌بێته‌ ده‌ستپێک و سه‌ره‌تای کاره‌ساتێکی نوێ....

 

 

 

 

گه‌ڕانه‌وه بۆ لاپه‌ڕه‌ی یه‌که‌م          ئه‌م لینکه [1820] جار بینراوه            Send this page to your friens    Print this page    Send comment to this page

 
 
 

 

 

بابه‌ته‌کانی نووسه‌ر

 

عه‌قڵییه‌تی رێبه‌رایه‌تیی ئۆپۆزیسیۆن، هۆکارێک بۆ به‌رده‌وامی سه‌ره‌ڕۆی له‌ ئێراندا!
 

ئۆپۆزیسیۆنی ئێرانی ده‌بێ سیاسه‌تی بنواڕه ‌و چاوه‌ڕوان به‌ وه‌لابنێ!
 
 

مانشێت

 
 

 

 
 

 

 
 

 

 

 

هه‌واڵ

 
 

 

 
 

 

 
 

 

 

 

ڕاپۆرت‌و ئانالیز

 
 

 

 
 

 

 
 

 

 

 

مقالات فارسی

 
 

 

 
 

 

 
 

 

 

 

اخبار فارسی

 
 

 

 
 

 

 
 

 

 

 
 
 

Copyright © 2017 Renaissance. All rights reserved.